You are here

የሰማያዊ ፓርቲ የድሬዳዋ ቅርንጫፍ ጽ/ቤት ምክትል የህዝብ ግንኙነት በሆኑት በአቶ እምላዕሉ ፍስሐ ጋር ተወያዩ

ማክሰኞ ጥር 14 ቀን 2006 ዓ.ም. ከረፋዱ አራት ሰአት ጀምሮ እስከ አምስት ሳአት ተኩል ድረስ በድሬደዋ ከተማ የሰማያዊ ፓርቲ ቅርንጫፍ ጽህፈት ቤት ውስጥ የሰማያዊ ፓርቲ ምክትል የህዝብ ግንኙነት በሆኑት በአቶ እምላዕሉ ፍስሐ እና በሰማያዊ ፓርቲ የድሬደዋ ቅርንጫፍ ጊዜአዊ የስራ አስፈጻሚ ኮሚቴ አባላት መካከል የፓርቲውን የእስካሁን ድረስ እንቅስቃሴና ያጋጠሙ ችግሮችን ተወያይተዋል፡፡ በቀጣይነትም ከጥንካሬአችን እና ከድክመታችን ተምረን ምን መሰራት እንዳለበት የተለያዩ ሀሳቦች ቀርበው ጊዜአዊው ጽህፈት ቤቱ የከተማውን ህብረተሰብ ማዕከል ባደረገ መልኩ በንቀሳቀስ እንደሚጠበቅበት ተስማምተዋል፡፡
በእለቱ አባላትን ስለማብዛትና የአባላቱ አቅም በፈቀደ መልኩ መዋጮን በማሰባሰብ የተደራጀና የተጠናከረ ስራ እንዴት መስራት እንደሚቻል በመወያየት ስምምነት ላይ የተደረሰ ሲሆን በተለይ ጊዜያዊው ኮሚቴው የግድ ከዋናው ጽህፈት ቤት የሚመጣለትን የተዋረድ ትእዛዝ ሳይጠብቅ የከተማዋን ማህበራዊ ፖለቲካዊ እና ኢኮኖሚያዊ ችግሮችን ከማህበረሰቡ ጋር በመወያየት የተሸለ ለውጥ ሊመጣ የሚችልበትን ሰላማዊ የትግል አቅጣጫ መቀየስ ይጠበቅበታል፡፡ በቅርቡም በከተማዋ ታላቅ ህዝባዊ ስብሰባ ለማድረግ የጊዜአዊው ኮሚቴ አባላት በዝግጅት ላይ እንደሚገኙ ያስታወቁ ሲሆን ይህንኑ ፕሮግራም ምክንያት በማድረግ በእለቱ ከፓርቲው ጽህፈት ቤት የተወከሉ ሰዎች እንደሚገኙ ታውቆአል፡፡